A lungluthuai Kampau El

Ei mihingte khat veivei i gamtatnate kingaihsun kik zel ni.
1. Pata nih khuapi sungah vak hiauhiau khawm uh aa, Five Star Hotel mai-ah mawtaw a nunung model hoih mahmah a khawl khat amu uh hi.   
Tapa:  : Hih bang mawtaw neite a gil sung uhah pilna a neilo mite bek hi'n teh maw..
Apa:   : Hih bang kam a pau mite' ip sung uhah sum aomlo mite bek hi'n teh maw..
( Na khat peuh tungaa i muhna leh ei ii lungsim sung puakzia hong lak ai tam.. )

Na Sunmang Kigu Sak Ke'n.!

Ni danglai-in Mangkang gam sanng khat ah thu piang ahi hi. Siapa in sanng naupangte "Ka Ngimna" cih thulu tawh kizui-in essay at sak hi. Sanng naupang khat in siapa piak thulu tawh kizui-in lawptakin laidal tungah a at pah samsam hi. Ama ii ngimna in pen "Ka gol ciangin leitang mun awng pi khat nei zo di hi. Tuh munah singkung, paak namkimte a dimin ka suan di aa, ka niim sak dildial di hi. Tuh ciang huan ii laizangah singinn hoih mahmah khat lamin sa emna (BBQ) khat ka koih di hi, ci'n a at hi.

Web Page Maitang Lim ( Mann zaihna )

Firefox ii add-ons sungah nuam tak aa kizangh thei Add on khat ong hawmsawn nuam ingh. Fire Shot ahi hi. Website khat ii maitang lim na deih aa leh hih Add on na zangh in.

1. A masa-in,  Hiah pai in.!

2. Add on Firefox a kici meek in. 

3. Vei lam nawl-ah Add on downloading hong gamta di hi.            Tawmvei sung ngak bawl in.

4. Tu khit ciang Box khat hong kiasuk di aa, Install hih in. Restart hih in. 

5. Firefox hong kah kik tak ciangin, tak lam kiu-ah (S) lim khat hong dawk di hi. Website ii maitang lim khempeuh na deih aa leh "S" pen meek ziau in.

Lungdam :-) 

I Nuntak Sung Thu Hoih Nam ( 12 )

1.  A kingah kik thei nawnlo thu nam nih om hi. ( Nu le Pa leh, Hun )
2. Mihing khat ii vang neihna in, nasepna ahi hi.
3. Paulap i neihna i kam tawh an kingawl lawh thei hi.
4. Sem thei keng cici leng, ki sem theilo semsem hi.
5. I ziakai phamawhlo aa, i khawlloh di thupi hi.
6. I deihzah i ngah zawh loh hang, i sepzah kingah buang hi.
7. Mangngilh cih pen i thupi simloh hang; lau cih pen i muanhuai loh hang ahi hi.
8. Na semlo pi-in, a nuam di ngaihsun kha ngei kei in.
9. Hazatna nei se dah in, a sep a bawlte'n mun a ngah mah di uh ahi.
10. Mihing khat ii gamtat luheek zia di pen, tua mipa ii kigin zia ahi hi.
11. Gamtat luheek ahoih nak aa leh, nungciang dal muanhuai hi.
12. Sawlloh pi aa sepna pen To hi aa, Sawl aa sepna in sal tanna ahi hi.

Ciapteh theih khak na neih aa leh ka lungdam :)

Lawmta Hoihte Zuih Huai Thu Nam (10)

1. Sum leitawi inla, na ngaihsut siam thei danin loh kik in.
2. Huhna ngen in. Hong kihuh zawh hetkei tangial leh khasia kei in.
3. Thapia in. Gensia ke'n.
4. A kikim di gamta in. Deidan zawk nei se ke'n.
5. Kihawh kipha kawikawi in. Ahi zongin zahko ke'n.
6. Hehna di'n kiphin kiciamnuih unla, khasiat na di'n kibawl kei un.
7. Bangbang ahi zongin na "lawm" ii lamah pang tawntung in. Deklam tuktum suak kei in.
8. Maingalna leh kiniam khiatna nei in. Kiphasak pih nop man peuh hi sak kei ta'n.
9. Na "lawm" tawh kingaih theih nadi thu om hi. Ahi zongin cimphawng di-in ngaihsun kei in.
10. Lungnop pih in. Nang hangin na "lawm" lungkham guan ngei kei in.

Harvest University Laibusaal ah Lai Kisuang (20)

1. Na ihmut leh mang na nei di hi. Na hanciam leh na "mang"te 
    hong tanngtung di hi.
2. Na thupi simloh tuni pen; zanni aa nidang ciang bangmah man 
    nuam keng cih thungetna ahi hi.
3. Hun zekai khin mahmah ta veh ee, cih na upmawh hun in a lol  
    penpen hun ahi hi.
4. Tuni aa sep di bawl di zingah khinto ke'n.!

Gtalk ah kua'n ong block hiam?

Gtalk ah i kihopih nop lohte ahi zongin i muhdahte ahi zongin "block" ziau leng kingah ahih lam vekpi'n i theih khitsa hi. Na block nop ID tungah right cilick inla, block a kici teel lecin, ama lam pan ei pen bel offline in na dawk di hi. ( Mi khawng i block ziau hang ei ong ki block leh bel i lungsim khat nuam phalo hiven maw.. :P )
Tuaih ciang nang ong kiblock maw, ong kiblocklo cih na theih nop aa leh; amasa-in "send voicemail" meek inla, call pong in. Amah pen offline bek tawh hong dawk di ahih manin "send voicemail" button bek a ong dawk ahi hi. [ numei aw khat tawh "the person you are trying to reach is unavailable. Please leave a message.."] cih awging na zak aa leh ong kiblock hilo hi. Tuh hiloin bangmah awging lah kizalo leh call na meek ciang ong kiat pahpah aa leh bel .... hehehehe.... Bye bye!

Sakminte tawh lawm zong ve ni aw..

Khaiileh! Lawm le gual akuamah peuh lawm i neih ma-in i lawm di te a minuh thei masa sam i hih ciang; A lungsim di kithei nailo mawk aa, ABC te tawh a lungsim di ngaihsun in enkak phot ve ni. Na up kei leh nang ii min tawh na sin phot in.

Gentehna'n: Kei bang kamin "Kimpu" ci leng'n....., 
K
I
M 
P
U cihte nong et suksak pah mai un.. :D
A ။ Nang pen ahi milmel khat na hih hangin na          
       lungsim sungah ngaihsut dide khat a nei mi   
       nahi hi. 
B ။ Nang pen midang theih ngeiloh khat tawh kiho di 
       pen hamsa sa hetlo hi teh. 
C ။ Nang pen na lawm leh na gualte huhnopna      
       lungsim a nei mahmah mi khat nahi hi. 
D ။ Nang pen mite tungah upna muanna na neihdi 
       hamsa a sa mahmahmah mi na hi hi.
E ။ Nang pen a lungluthuai mahmah mi khat nahi hi. 
F ။ Nang pen pianpih a ithuai mahmah khat nanei hi. 
G ။ Nang pen mi' lungsim et a siam mahmah khat 
       nahi hi. 
H ။ Nang pen thu ngaihsut kician nei mello khat nahi 
       hi. 
I ။ Nang pen a maitai den khat leh midangte a nuisak 
      zo den khat nahi hi. 
J ။ Nang pen hatzatna lianpi na neihi.
K ။ Nang pen na khat peuhpeuh athak theihnopna 
       lungsim kan nopna lungsim na a nei khat nahi hi. 
L ။ Nang pen lawmngaih tungah a kinga mahmah 
       khat nahi hi. 
M ။ Nang pen gualzawh minthanna a olno takin a 
        ngah thei mi nahi hi. 
N ။ Nang pen nasep nei kei lecin aom thei phalo mi 
       nahi aa, ahi zongin nasep nei lecin a   
       thummthumm a phunphun khat nahi hi.
O ။ Nang pen thu a im thei vitlo khat nahi hi.
P ။ Nang pen a thusiam mahmah khat banleh, 
       telsiamna tawh a kicing mi nahi hi. 
Q ။ Nang pen a gamtat hoih mahmah dan khatin 
       kineih bawl mi nahi hi.
R ။ Nang pen nopna dahna ah na kihel loh a 
       phamawh mi khat nahi hi.
S ။ Nang pen a thukhual mahmah mi nahi hi. 
T ။ Nang pen ngaihsut ngimna lian mahmah a nei mi 
       nahi hi.
U ။ Nang le nang pen mite tawh a kikim di aa a 
       kingaihsun mahmah khat nahi hi. 
V ။ Nang le nang a melhoih mahmah di aa kituat khat 
       nahi hi.
W။ Nang pen, nang' thu peuhmah kuamah a gen 
       nuam hetlo khat nahi hi.
X ။ Nang pen mi ii ong thuhilh cih peuhmah a saang 
      theilo mi nahi hi.
Y ။ Nang pen hamsatna tawh a kidim thei den mi 
      nahi hi. 
Z ။ Nang pen na omna peuhpeuh ah mi tawh kitot di 
      a ut den mi nahi hi.