Na Sunmang Kigu Sak Ke'n.!

Ni danglai-in Mangkang gam sanng khat ah thu piang ahi hi. Siapa in sanng naupangte "Ka Ngimna" cih thulu tawh kizui-in essay at sak hi. Sanng naupang khat in siapa piak thulu tawh kizui-in lawptakin laidal tungah a at pah samsam hi. Ama ii ngimna in pen "Ka gol ciangin leitang mun awng pi khat nei zo di hi. Tuh munah singkung, paak namkimte a dimin ka suan di aa, ka niim sak dildial di hi. Tuh ciang huan ii laizangah singinn hoih mahmah khat lamin sa emna (BBQ) khat ka koih di hi, ci'n a at hi.

              Amah zong a at khit phetin a siapa a lah leh, a siapa'n khatvei ensukin laitui san tawh akkeng (X) piasuk ziau hi. Siapa in na essay ong at pha in, ci'n a sawl hi. Sanng naupang pa zong a lai-at teng sit kik aa, khialhna a muploh ciangin a siapa kiangah a lak leuleu hi. Siapa in, nang ii ngaihsut gelna sunmang ong at sak kahi kei aa, na ngimna na tupna bek kong at sak hi. A piang theilo di thute deihlo, na tel hia..? a cih leh, sanng naupang pa in "Sia aw.. hih pen kei ii ngimna takpi mah ahi hi." ci'n lau hetlo takin dawng kik hi. "Hi kei! Hih pen cik mahin piang thei ngei ke'n teh a cih san hi. Hihte pen sunmang bek ahi hi..... Ong at pha lai o.! a ci leuleu hi.  

            Tel mah ing ei siapa aw, ahi zongin ka ngimna khat cik mahin khel zo kei ning a ci leuleu hi. Siapa zong a heh suakaa, athak nong at phat kei aa leh, laitan kong ong sak kei di hi..! Limtak ngaihsun pha lai in. a ci hi. Lu sing gauhgauh liangh aa siapa thugen pen sanng naupang pa'n zong a lu a peisan hi. A tawpna-ah laivuanna "E" level bek ngah hi. (.......... ) (........... -_-)%

            Hih bang teng thu aom khit zawh kum 30 ciangin tuh siapa pen sanng naupang hon khat tawh tawlnga di-in, picnic ong pai aa, paakhuan sung nopci mahmah khat sung hong tung uh hi. Siapa in a etlawm a niim dildial lopa te tungah kikhuang ditdiatin a gim namtui sa em namte ong za hi. Tu kawlkal leh pasal khangno khat ong pai-in siapa ong hopih aa, nidang lai a beisa kum 30 lai-in na sanng naupang khat kahi aa, essay a ong zolo khatpa kahi hi, ci-in a gen hi. Tuni-in tuh khangno pa in a essay at mah bangin tawlngakna mun nopci mahmah khat a neipa khat ahi hi.

           Siapa zong tuh pa ii kammalte ngaihsun kawmin a beisa kum 30 lai ong phawk ciaiciai hi. A mai aa ding mipa a et kawmin kammal khat paukhia hi.     "Kei hangin ka sanng naupang luite ngimna sunmang teng bangzah ka suksiat sak ngei zen tam maw...maw..? Nang nahih leh kei hangin na ngimna kisialo tak aa, kiptakin a len a tangtung sakzo sanng naupang nahi hi."

Tu-in nang zong..? Na ngaihsut na gelna, na ngimnate mi khat peuh ii kampau tawh meiibang theng, albang mang khin sakzo na hiam? Onh kiguk sak khinzo hiam..?