A Manpha Mipilte Kammal Cinte

Kammal ih cih pen i genkhiat ma-in tuh kammal ii To ihi aa, i genkhak khit tak ciangin tuh kammal ii sila (sal) i suak leuleu hi.Tu ciangin zong kammal in pen mihingte ii vang hong tawisang mahmah a na hi gige hi. Leitungah i nuntakna ah mihing khempeuh lungkhamna, lungkiatna, hamsatna, buaina tampi tak tawh nisim mahin a kidim dente ihi hi. A zawngte in zawnna tawh hamsatna, a haute in zong hauhna tawh buaina kinei ciat hi. Tuni in leitung aa mipilte ii kammal cin bel aa a neih uh leh amaute ii thuak khak thu le la tawm  khat ong hawmsawn nuam ingh.

1. Nu gil sung pan a zawng sa aa piang khia na hih leh nang' mawhna hilo hi. Ahi zongin zawngkhal sa in na sih leh nang ii mawhna ahi hi. ( IT Mihau pi Bill Gates )

1. A zenzenin ni khat sung tawntung buaina thu le la khat na tuah khak kei aa leh nang pen lampi khial a zuikha na hi gige hi. ( Mi Siangtho Wikanadah )

1. Gualzawhna pen nam 3 tawh kidim kul hi.      

1. Midangte sangin theih zawk kul.

1. Midangte sangin hanciam zawk kul.

1. Midangte tawh lah kilangbawl lo di. ( Shakespeare )

1. Gal kidona ah na gualzawh leh na zawhna hang genkhiat kul selo aa, na lelh leh zong na lelhna hang gen di-in nuntak geigai kul tuanlo hi. ( Adolf Hitler )

1. Leitung ah nang tawh midang kuamah tehkak ngei kei in. A zenzenin na tehkak khak aa leh nang le nang a kibawlsia mahmah nahi hi. ( Alan Strange )

1. Mittang aa muh theih mi khat zong i it theih nai kei aa leh mit aa muh theihloh Pa Pasian koici it theih mawk di i hiam?  ( Mother Teresa )

1. Gualzawhna cih pen kidemna aa a khatna ngah hilo zawin, nidang aa sangin ahoih zaw aa sepna ahi hi. ( Bony Bear )

1. A vei tulkhat vei gualzo zokeng ka ci kei hi. Guallelh theihna tulkhat vei ka mukhia hi ci-in ka tangko zaw di hi. ( Thomas Edison )

1. Mihingte in leitung buppi kikhel di bekbek hanciam uh aa, ei le ei kikhel di peuhmah a ngaihsun kha kuamah omlo hi. "Khangno khat a di'n khantohna lampi in khantohna di lampi khempeuh khantoh semsem nadi'n sepna ahi hi. Hih bang nasepna ah kei bang in hong khaktan aa bang in ong nawngkai sak hiam? cih tawh lunghiang di hi peuhmahlo hi. Mi a tamzaw in koici kikhel di cih a theih uh hangin, mi tawmno khat bek in amau bangci kikhel di cih thei uh hi. ( Leo Strut )

1. Mi up baihna in lauhuaina tam hi. Ahiang kuamah na up kei aa leh lah lauhuai mahmah ta hi. Mi khempeuh ki gensiatna a thuak zawh uh hangin ki ukna thuak zolo uh hi. Mi khat ii  lungsim kiniam khiat zia na theihnop aa leh na khat sawl in. ( Abraham Lincoln )

1. A zenzenin na nuntak sungin bangmah khiatna nei ngei keng na cih leh, bangmah athak sin kha ngeilo cihna hi pah hi. A mithang mi di sangin, a mannei mi na hih di hanciam zaw in. ( Albert Einstein )

1. Nuntak hun sungin tokbel nam li te sukham ngei kei in.

1. Muanna

1. Kamciam

1. Ki-itna leh

1. Lungtang cihte ahi hi. Na katap sak aa leh pen a gin ngaih khollo mah napi'n thuakna pen a tawpdong mah na mahmah di hi. ( Actor Charles ) 

1. Laileng cih pen huih tawh a tonkhawm hilo aa, huih ii mutna lamlam zuanin a leeng ahi hi. Gam adi aa nasem palai cihte pen zing ciang gamthu bang piang di cih pen theih kholh kul hi. A zenzenin ong pian kei zenzen leh banghangin pianglo cih a thu pholaak zawh di kisamh hi. ( Washington Chalse )

1. Na khedap taw aa buan baang mulo pi-in, mi inn tung aa pan kaai mawhsak kei in.  "Ngaihsutna omlo pi aa pilna sinna in a mawknapi ahi lel hi. Pilna neilo pi aa ngaihsutna in lauhuaina lianpi ahi hi. ( Confucius )

1. Khang tangthu kan kik na pen khangzilin gamtat di hilo aa, khang tangthu sat/phut di ahi hi. ( Bo Kyoke Aung San )

1. Na mailam di nang ma' bawl ahi hi. ( Willa sen )

1. Mi haite in a khialna pan uh pilna ngah uh aa, mipilte ahih leh midangte' khialhna panin pilna la uh hi. "Na khat peuhpeuh gelin hanciam aa sup lawhna in; bangmah gello seploh sangin hoihzaw tham lai hi. ( Pi Moe Nin )

1. Mi pil khat i cih pen ei sang aa a pilzaw khat aom leh ei phattuamna di ong bawl sak nadi'n thugen thei mi ahi hi. ( Daca Nic )

1. Leitung ah ei le ei kingaihna pen citak penpenna hi aa, citak penpenna in zong ei leh ei kingaihna ahi hi. ( Hussein Phokaw )

1. Ken ka theih khat bek aom hi. Tuh in bangmah ka theihlohna ahi hi. ( Iris Torres )

1. Mi di i cihte in adang hilo hi. Mi khat peuh in thu khat peuh  a hong gen ciang tuh thu thei khin gigu mah napi lungduai takin a ngaihsak mi ahi hi. ( Demo Nay )

1. Na gam aa di'n nuntakna bei lianghin gal na do hangin na zo kei di aa, na langte zong a gam uah di'n nuntakna a bei lawh di'n na hih zawh aa leh na zo pan di hi. 

1. Gualzawhna ii thusim in ngimna khat kuhkal tak aa sepna ahi hi. ( Benjamin Disraeli )

1. Mihingte' nuntakna ah bangmah a kipkho omlo lam phawk tawntung in. Tuaih ahih manin na khat peuhpeuh ah nopsak hun ciang a vallua aa nuamna, dah hun ciang a vallua aa, lungkhiatna cihbangin om ke'n. ( Henrisson )

1. Lungdam koh di phawkna in pen lungsim lian mahmah khat ahi hi. ( Esult )

1. Na kiangah thu dotna ong nei ngeingaite pen a tatakin phat di a lunggulh teng hi gige hi. ( Senma Senmor )

1. Thong sung kulhpi sung na tun khit zawh lametna bei-in na om laitakin a hansan pen ngaihsutna in a muanhuai penpen ahih na hi. 

1. Lai simna in mi picing khat ong hisak aa, kikup khopna in mi kiging khol khat ong hi sak hi. Ciaptehna in mi kician khat ong suaksak hi. ( St. Francis De sales )

1. Ei le ei kimuanna in gualzawhna di "tawh" tang ahi hi.

1. Tak khat tak khat aa, tak tui malte in a tawp khatna ah suangtumpi zong nawkkek zo hi. ( Luchritus )

1. "Lawm" cih ciangin ama tungah nang na cihtak di mi ahi hi. ( Rawaido E mason )

1. Thadahna in natna khempeuh ii kong vangpi ahi hi. Nasep neilo mi khat pen kawmpeek neilo inn hawmpi khat tawh kibang hi. Hoihlohna khempeuh suah le tum sak le khang pan hong lut thei hi. ( George Chosar )

1. Zahpih bawlna pen lungsim ginalote ii zat ngiat ahi hi.

1. Mawhneilo pi khat in a gumthuak khak mawk sangin mawhnei mi sawm suakta leh hoihzaw lai tham di hi. ( Blood Stone )

1. "Tomlo" cin kiciamna ah zia-ol inla, sep khatna ah kek bang in. ( John Drain Dan )

1. Innkuan nuamsa cih pen a mittaw zi leh a bengngong papi omna innkuan ahi hi. ( John Milton )

1. Leitung ah kuamah tungah kingamlo aa, amah le amah a ding zo mi in a siam penpen ahi hi. 

1. Nang zahin a kammphalo mi khat tungah na lungnopnate, na hoihnate va gense dah hi. " Na khempeuh hih theihlohna in zumhuailo aa, hih theilo pi (ahiklh) a hih thei dan khat aa kineihna in zumhuai bek thamloin lungkiathuai mahmah lai hi." ( Plutarch )

1. Midang khat na natsak sangin nang thuak tentan lecin hoihzaw hi. ( Char Dawin )

1. Neu khaneng zatna nangawn kidawm in. A vang neu ciuciau khat hangin zong tembawpi tum thei hi. 

1. Zuauthu gen thei mi in a maan a gen khiat mateng ki um ngeilo hi.

1. Nang ii thukimna a omloh buangin kuamah in nang lungneu nadi'n ong bawl zolo di hi.

1. Paulap in zuauthu sangin suuk zaw lai hi. Banghang hiam cih leh, paulap in zuauthu pen bit takin kemcing zo ahi man hi. ( Alexanda Pope )

1. Zia ahi zongin, gamtat luhek ahi zongin, kampau ahi zongin, na khempeuh ah cihtak di thupi hi.

1. Sumbawm sung a hawm hun tak ciang  hansuahna so valval liangh thei hi. ( Victor Hugo )

1. Kamciam piakna ah a uai hithiat te in, sepna ah zong kamciam mah bangin itsitlo takin sem thei hi. ( J. J Ruso )

1. Pina nei tawh nai khat sung kikup khopna in ei le ei in laibu bu za khat sim sangin man nei zaw hi. 

1. Midang khat limtakin na hilhna in, nang adi-in sinna hoih mahmah khat ahi hi. ( Mikang Paunak )

1. Lungsim zaitha neem mi khat pen huhna kisamh thei hi. A hun ciloin huhna di mun zong thei uh hi. Amah pen limtak aa hopih di a lunggulh bangin ama cih bangbang aa gamtat pih di zong ut hi. Tuh bang mitawh na kimuh khat leh thapiak di hamsa sa kei in. Kammal khat na kuppih na tawh a nuntakna uh van dawn sang pi tung thei hi.

1. Thu gen siamte in laisim uh hi, ngaihsun uh hi, thu ngai uh hi. Tuaih manin gen di thu khat limhlimh nei uh hi.

1. Makai sepna cih ciangin muhna tanngzaina le gamtat hoihna kigawm khawm ahi hi. Ngah di khat aom leh muhna tanngzai pa sang gamtat hoih a nei pa masak zaw un.

1. Ama ii pilna siamna sangin kheng val aa mite adi'n sepkhiat nopna a nei mi in a manpha makai picing ahi hi.