Nidang lai-in ngabeng mi khat gun gei singkung lim niimdildel nuai khatah namza tepin a thallup hilhial hi. Tua kawmkal leh a gei-ah mihau khat in nawk aa "Hey! bangmah semlo pi zaa peuh tep hilhial na hia? ci-in a va dot leh, "Tuni tu aa zah tawh kicing khinzo hi. Ka ngasa matte tamkhin ahih manin a tawlnga kahi hi." ci'n a dawng kik hi.
Mihau pa zong ngabeng pa hawmtawh mahmah bek thamloin a heh zong suak hi.
"Banghangin adang tampi ngasa beng thuah lo aa, hih singkung lim nuai-ah khawl hithiat mawk na hiam?" ci leuleu aa ...... "Ken ngasa tampi ka mat hangin ka man nading omlo hi ci'n a dawng leuleu hi."
"Haa.! Ngasa tampi man lecin kizuak thei ding aa sum na ngah thei bek thamloin ngasa mat theih nading gunkuang zong na lei zo lai ding hi aci hi."
"Ngasa matna gunkuang ka neih hang ken bang aa mang ding ka hia?"
"Hih sang aa gamla zaw munte ah hih sang aa atam zaw ngasa na man thei pah kei di maw.. tua ciang hih sangin sum tampi na ngah zaw lai ding hi sanggam!"
"Tua khit teh ken bang hih lai ding"
"Tua khit teh kei danin sumbawl mihaupi khat na suak ding hi."
"Mihaupi khat suak khin lengin bang sem lai ding ka hia?"
"Haa..! Tua tak ciang na nuntakna nuam takin na om hilhial thei pan ding hi."
"Imm... tu'n ee leh ken bang ahih ka hih lam na thei hia, mihaupa....?"
###############################
Nuntakna ah lungnop nading zingciang thaiciang cih ngak ding kul seselo hi. Lungnopna ding bek ahih leh bel na hauh veevaa zong kul seloin, na hat veevaa zogn kisamh tuanlo hi.
Nuntakna i cih pen tu aa pen tulaitak mah ahi hi. A deih zahzahin lungnuam thei lel hiteh.
Mi pawlkhatte in, "Ka hauhna ka neih le lamh te kei aa hi khinlo aa, ahi zongin ka utna ka lungnopna no khat bek hilel hi" peuh ci thei uh hi.
Lungnopna i cih pen nang tawh a ki gamla pipi Malay, Sigapore, Japan, US cihte ah aom hi tuanlo hi. Tulaitak aa na hun neih pen ahi hi. Gamdang khantohna nopcitna mun tung aa a lungkham sinkham zaw sawp tampi kiom hi.
No comments:
Post a Comment
Lai mal khat nong nusiat na-in, lai mal tampi at di tha kingah hi.