Khatvei lai inah; mikhat zi a neih khit zawh asawt loin a innah hong ciah pih hi. Tua pa pen a-inn a tun nading gun khat kantan kul hi. Gunkuang tung tuangin a inn lam manawhin azi tawh hong pai khawm uh aa, thakhat thu-in huihpi hong nung vatin tuihual hong kipanta hi.
Tua papipa pen a lung himawh thei mi khat hi aa, azi ahih leh a lauthawng thei khat ahi hi. Amaute nih pen huihpi hong nun ciangin sih ding lobuang bangmah lametna nei nawnlo uh hi.
A gunkuang uh lah neu aa, huihpi nun ziak aa tuihualte hong lian tektek hi. Tui sungah kitenng tunngtunng sih ding cih pen ngaihsun zolo uh hi. Ahi zongin a pasal pen daidide in bangmah aci lo dan khatin om khinkhian hi. A nupi pen ahih leh a pumpi aci asa kisat gawpin linglawng gawp liangh hi. A lawmpa kiangah "Nang laulo maw U?" acih leh; A lawmpa in, "Thei kang ei. Ih nuntakna a tawpna ding himai lo dia, maw taw! Gal khatlam i kan zawh nading a lamdang hotkhiatna aom lohin bangcih peuh mah, mah ding i hia a cih san hi."
"Nang a laulo dan khat aa om in thu dongh leng lah hong dawng mello, om milmel ziau nahih ciang aa kong dot mawk hi ee.."
Apapi zong azi nuihsan gawp kawmin a kawngtem apaai pan hong dokkhia hi. Azi zong a lungsim khat hong linglawng semsem hi. "Bang ahih sawm na hia, U?" ci'n dongh leuleu hi.
Apapi zong atemta pen azi ii ngawngah hong tah toin "Na lau hia leh?" ci'n dongh hi.
Azi zong apapi nuihsan gawp kawmin "Ken hoh nang hong lau ve ning in! Na lungsim kong theih aa kong tenpih hiven. Tua temta in nangma' khut sung hiven banghang lau zenzen ding kahia..., nong ngaih lam zong ka hong theihsa ai ve." ci'n a dawng hi.
Apapi zong a kawngtem apaai ah siatsuk kikin "Tu aa ai ve kong dawnna" aci hi." "Kei Pasian in hong it hong ngaih lam zong ka thei hi. Huihpi zong ama' khut sung ah om hi. Tuaih man banghangin lau zenzen ding ka hiam Ngaihno aw" ci-in a dawng kik hi.
-------------------------------------------
Bangzah ta'n huihpi nungin bangzah ta'n siatna hong tung zongin ahoih hong tung ding cih lametna muanna i ngaihsut ding hong gen nuam hi. A zenzen in hunsia khat sung pan suakta taleng, suakta kei taleng ahoih lam vive aa i lak theih ding kisamh hi. Banghang hiam cih leh, na khempeuh Pasian' khut sung ah om hi-in, cik mah in Amah in khiatna leh siatna ding hong bawlsak ngeilo ding hi. Eite in lampi maanlo i tot man hizaw hi.
Hih tangthu ii deihna in pen; "Mi khat ii nutakna ah upna leh muanna a kisap lam hong lak hi. Upna in na nuntakna khempeuh hong kikhel sak ding hi.
No comments:
Post a Comment
Lai mal khat nong nusiat na-in, lai mal tampi at di tha kingah hi.