Ni dang lai-in ah ci; muvanlai khat sing dawnah bangmah semloin tu ngeungau-in om hi. Tua pen bilpi khat in a muh ciangin muvanlai kiangah dongh hi:
"Kei zong nang danin bangmah semloin singkung nuai-ah ka tu thei diam, lawm muvanlai aw?" a cih leh, mu vanlai in "kingah lua ei!" a ci hi.
Tua ciangin bilpi zong lungnuam takin muvanlai ii tuanna singkung nuai-ah bok hilhialin om hi. Lungmauang takin a om kawmkal leh gamui khat hong pai aa bilpi bawh pahin a ne pah hi.
----------------------------------
Tangthu bel atomno khat hi. Ahih hangin midang khat ii omzia nopsakna peuh i en pahpah loh di bilpi ii nuntakzia in eite hong hilh hi.
Muvanlai in singkung dawnah dai takin a tut hilhial hangin a mittang in galte koi lampan hong suak ding cih a en gige ahi hi. Bilpi ahih leh "sihphual zuan ci di ihiam?/ Phialphiah bang aa meikhu lam zuan" ci di himai hi.
"Bangmah semlo bawllo aa omna in, asang penpen munkhat ah i tut phiuphiau tawh kibang hi. Gitneihloh kalin ki kiasuk thei aa, zong ki si thei hi."
No comments:
Post a Comment
Lai mal khat nong nusiat na-in, lai mal tampi at di tha kingah hi.