Kum 53 apha mi khua mulo, pumpi zawngkhal piteek khat pen a tanu nu ii khoinoploh a nusiat khat zong ahi hi.
Shuang Nar a kici numei khat in anu pen ama ii omna tawh kilometre 600 a ki gamlatna Leong Neng gam, An Sheng khua ah paii dingin mawtaw hawl khat Feb 27 ni-in sum tawh cial hi. Akhut akhe a tang theilo piteek khat pen mawtaw lam gei vuuk lak khat ah nusia in aom tak teh anu zong a khua votlua ahih manin huhna ngenin a ot tak ciang lamgei aa mipaite in mu uh aa hong top uh ahi hi.
Shuang Nar ii lawmngaih pa in anu teeksia pen nawngkai sa ahih manin hih bang aa a bawl uh ahi hi, cih thu zong kiza hi. Anu a paih khit tak ciangin zong a phone nambat zong paii-in thukante in a innah a va pai uh tak ciangin hih thu teng hong kimu kha suak hi. Shuang Nar in anu phone set in a maisak na'ng anu kiangah thumm hi. Anu pen tulaitak Asean Zatopi ah a mawkna tawh kibawlin om hi.
(Nu le pate taisan lawmlawm, nusia lawmlawm paii lawmlawm cih bangin kuamah om kei ni! Nu le pa ih cih pen vanh khat bangin sai ah ki zuaklo hi. Silh puan sia bang aa khek theih hilo hi. Na khoi nop na don nop kei leh phamawh kei nin paih bangin paii liangh in om kei in! ) Tuni aa kipan Nu le Pa tungah itna ngaihna a khang zo semsem dingin Sian in hong siam kiim tahen.
No comments:
Post a Comment
Lai mal khat nong nusiat na-in, lai mal tampi at di tha kingah hi.