A lungluthuai Kampau El

Ei mihingte khat veivei i gamtatnate kingaihsun kik zel ni.
1. Pata nih khuapi sungah vak hiauhiau khawm uh aa, Five Star Hotel mai-ah mawtaw a nunung model hoih mahmah a khawl khat amu uh hi.   
Tapa:  : Hih bang mawtaw neite a gil sung uhah pilna a neilo mite bek hi'n teh maw..
Apa:   : Hih bang kam a pau mite' ip sung uhah sum aomlo mite bek hi'n teh maw..
( Na khat peuh tungaa i muhna leh ei ii lungsim sung puakzia hong lak ai tam.. )


2. Nitak an nekkhit ciang anu leh a sanggamnu inn nung lamah vann kuang sil-in om uh aa, pata gel bel inn limah TV en uh hi. Thakhat thu in vann kuang khat kikiatsuah in a kitam gingzaii aa, them vei sung dai dide uh hi.
Tapa:  : Ka nu hang aa kitam hi ngel vak..
Apa:   : Nang koici theih na hia?
Tapa:  : Ki taiina awging kizalo hiven Pa..
( Mi pawlkhatte, muhna leh i ngaihsut dan kiban kim saklo hi hang. Midang khat in hih leh mawhna omsak hangaa, ei hih tak ciang mawhna di i omsak kei hi.)

3. Khat vei lai-in Japan gamah, mi pawlkhat khualzin khawm ngeingai uh hi. A paina uh lampi pen a mual a guam vive ahih mah bangin; lam makaite lakpan khat in i lampi zong suangtum ginalo bangin pholh phepphap kawikawi ei mate guai..... ci-in thumm bawl hi. Khat pa leuleu in "Tu aa i paina lampi pen hih kimkot teng aa a minthang biangkom lampi kici hi ei" ci-in a etlawm kammal tawh gen hi.
( A kibang dinmun khat ah a kibanglo muhdan tawh i ngah zong kilamdang pah hi. Ngaihsutna i cih pen a lamdang pi khat ahi hi. Bang i cih ngaihsut ciang bangci thuak i hiam? Ahoih lamin ngaihsun leng i lungnuamin isia lam ngaihsun leng ei mah lungsim sin gim lel hi hang.. )

4. A tungaa tangthu tawh kizawitawn tangthu khat leuleu; tan 3 sanng naupangte siamahnu in "Ka Ut" cih essay at sak hi. Sanng naupang pasalno khat in "Numei ka ut hi" ci'n at hi. Tuh lai aphi pen ni suahna lam siamah khat in hih bangin gen hi. "Hih naupangnopa pen a khangto nam di hi het kei hi." Ahi zongin ni tumna lam siamah khat in "Hih sanng naupangnopa pen leitung bup nuihna a hawmkhia zo zi khat ai ve maw.." ci-in gen hi. 
( Mi pawlkhatte in tha piakna/ kiphatna lunggulh mah napi'n, gualzawhna ii a khiatna genkhia nuamlo uh hi. )

5. Khut dawhngen mi:    : Pek 10 khawng hong pia dih o..
    Lampai mi:                : Pek 5 bek nei ing ei..
    Khut dawhngen mi:    : Pek 5 abatin na koih ning e leh ... hehehee...
( Mi pawlkhatte pen a ngahzah tawh lungkim omsak ngeiloin, huaihamna lungsim in pen lungdam koh di lungsim pen tuamcip thei mawk hi. )

6. Khanglui vanh kikoihna mun (museum) khatah nupa nih vahawh uh hi. A zi in a pasal kiangah "aw... lam tawntung na khawkhat haihaina teng tawh hizah aa, lampai a ziakai nahi tave.."
( Mi pawlkhat te in nuntakna lampi ah taai ding bek mah ngaihsun uh aa, lam gei-ah bang teng ahoih om cihte khawlin ngaihsut di mangngilh kha uh hi. )

7. Inn nupi khat anbuk sungah anhuan in buai phangphang keei hi. A papi in a gei panin "damdamin hih ve nicin.. ci tawm khahlai dih ve.... arrr sathau tamlua ei... na meikuang phalua ei... na ngasa lumlet ta o... Haah! kanghlua tave maw... na beel sawi ei.." cih aa kipan sia sem zihziah se hi.
"Na dai khinkhian lel sin aw, nang kei sang anhuan mehhuan siamzaw hoh kisa nei ta..?" 
"Nang mah siamzaw cia nupi aw. Kei zong mawtaw ka hawl laitak ka gei pan tu aa dan aa, nong sak zihziah teng nong theih siam nadi ci aa ong thukh kaive.. :) "
( Ama' dinmunah lutin ngaihsun thei leng, midang khat tung hehpih thukhualna i neih di hamsa tuanlo hi. )