Ih Naupangte Pattah Siamni..!

1. Zahpihna a tam thuak naupang khat pen ong gol tak ciang mi meidawi, gualneklo, zahkai-in om thei hi.

2. A tawntung mawhsakna a thuak naupang khat ong gol tak ciang midangte gensia sia den mi a suak thei hi.

3. Na khat peuhpeuh ah ki muanmawhna tawh ong khangto khawm naupang khat a gol ciangin lungsim kawi leh a zulhtat mi a suak thei hi.  

4. A hih bangbang langpanna tawh a khang khawm naupang a gol ciangin mi tawh kigal neih kilemlo cih bangin om thei hi.

5. Itna tawh a khangto khawm naupang a gol ciangin mite tungah hehpihna a nei mi a suak hi.

6. Thapiakna/ sansiamna tawh a khangto khawm naupang a gol ciangin amah le amah kimuanna lungsim a nei mi suak di hi. 

7. Pasian thu le la tawh a khangto khawm naupang khat in a gol ciangin thumaan thutak a lunggulh mi ong suak di hi.

8. Phana maipha a ngah naupangno khat a gol ciangin na khempeuh ah telsiamna a nei mi ong suak di hi.

9. Pilna lai tann tawh a khangto naupang a gol ciangin lungsim ciimna leh thu ngaihsut siamna a nei mi ong suak thei hi.

10. Deidanna omlo a kibang aa hawmsiamna tawh a ong khangkhawm naupang khat a gol ciangin mite tungah hehpihna a nei mi ong suak di hi.

11. Lungsim, kampau, pumpi kikep zawhna tawh ong khangkhawm naupang khat a gol ciangin  a lungduai mi ong hi di hi.

12. Lungsim nopna tawh ong khangkhia naupang no khat a gol ciangin itna, deihsakna leh a lunggulh huai mel hoihna a hi zongin a diktak mi ong suak di hi.

A neem ngiingeii naupangnote pen kimm le pam ii khawlzia, gamtatzia, hopihzia leh pattahzia dung zui-in a kikhel uh ahi hi. Tuaih manin i kimm i pam aa om naupangte i hih zawh zahin ahoihin pantah siam ciat ni aw.. 

Lungdam :)

LUNGET A BEI NADI...

Lim sung aa na muh mah bangin, Tembaw nahtang i cihte ahi a namtui mahmah nahtang nam ahi hi.

             Hih nahtang a min nailo gap; a hawng kheh inla, nuaizann dikdek in. Tuh khit ciangin lu sawpna tawh lu i sawp mah bangin na lu sawpna in. Minute 5 sung bang diah bawl in. Kaal khat nihvei thumvei hih lecin na lunget teng bei di hi.

A CIAPTEH HUAI PAWLKHAT

• Tui siang hai khat sungah tui nin tak khat kiasuk leh tui hai nin suak aa, tui nin hai khat sungah tui siang tak khat a kiasuk hangin tui hai siang zo tuanlo hi.
• Leitung ah kuama' ong guk theihloh na thum i nei hi...

(1) Na nekkhit na gilpi sung aa an,

(2) Na sinlung sung aa na gawl khinkhian na sunmang leh,

(3) Na khuak sung aa na guankhit lai pilna siamna

• Sakolte in lei nipna-ah a khe uh kikhep sak baih deuh hi. Mihingte a hih leh, kamkhum zuau thu lakah kipuk baih deuh hi.
• A zenzenin lai simlo, ciimna neiloin na om leh tai tampi tak khual na zin hangin nang pen laitai khat tawh na kibang lel di hi.
• A lang le a lang zum phim aom ngei kei hi. Mihing te zong lungsim leh taksa kituak aom kei hi.
• Kam phatna cih pen hun hoih laitak leh nang ii hanciamna a kituah liann laitak ahi hi.
• A zenzenin ngak bek na ngak aa leh bel ong tung di in; kum tamna bek mah hi di hi.
• A neuno khat sepna bek in zong, kampi bek tawh gen phuakphuakna zo zo lel hi.
• Khanglui mite' khekhap zong kei inla, amau' ngimna zong zaw in.
• Na lungtang sungah nang le nang na kiguan zawhlohna in pilna na neihloh man ahi hi. Na lungtang sungah midang khat na thun zawhlohna pen hehpihna na neih loh man ahi hi.
• Nuih zawhna in khat le khat kigamlatna pen hong nai sak semsem hi.
• Nung lam a hei kikkikte in cik mah hunin a khualzinna gamlapi tung ngeilo hi.
• Ih neulai-in nopna di baih aa, ih gol tak ciang a baih nakleh nopna kingah hi. 
• Mi pawlkhatte in a nuntakna uh hoih kei lua ci'n thumm thei zel uh hi. A tatakin amaute in ahoih muh theihna mittang neilo uh ahih man hi.
• Sum in tui tawh kibang hi. Sum bei leh ki puksi thei hi. Sum deih lua leng lah ong tai-in kisih lawh thei hi.