Ka Simkhak Ngei Lai Thupi Pawlkhat...

1. Mikhat in bangzah ta-in, sia mah taleh, nang bangzah ta'n ong bawlsia ong khasia sak taleh, maisak zo di., telsiam zo di. Tuh hileh lungnopna taktak nangah zo pandi hi.
2. Lungnop hun ciang; hih lungnopna pen a tawntung hilo di cih na tel mah bangin, na lungkham hun ciang zong, hih lungkham thanemna pen a tawntung hilo cih telsiam di kisamh hi.

3. Tuni aa i hih teltaal thu khat in, zingciang aa kisikkik nadi thu khat ahi hi.
4. Kammal khat bek tawh zong mihing nuntakna bei thei hi. Kammal tul thum ih zat ciangin mihing khat kikhoi zo pan hi. Tuaih ciang na mukah thu khualna dial bang khai in.!
5. Na lungsim ciimna kawmkalah kiliatsakna lopate suan kei in. Nang ii meidawina lungsim hangin na lungsim ciimnate kiamsak ngei kei in.
6. Mikhat na hazat simin nang adi'n bangmah phattuamna om ngeilo hi.
Mikhat na hazat simin amah ii gualzawhna a kiam pah di hituanlo hi.
7. Beel ciatciat kibang banghangin nang ii beel sungah vu koih sese di na hiam? Ngaihsutna kibang ciatciat banghangin nang ii lungsim sungah lungnop lohna guang sese di na hiam?
8. Ei le ei diktat takin ih thumaan khit zawh aa kipan leitungah kuamah'n ong khemzo nawnlo hi.9. Abeisa hun aa ih thuakkhak guallelhna, lungkham sinkhamna, khialhna khempeuh ih ngaihsut kik zelzel sangin tuh te tawh thumuhna pilna'n nei leng'n khantohna tampi kingah zo hi.
10. Na kivakhna (talen) khat pen nang bek adi'n zong zat huailo aa, a kisamhlo munte ah zong a vallua in zatkhak lohdi thupi zawlai hi.
11. Asia leh apha pen ih deih takei zongin a kingah thei ahi zongin, deih taleng'n zong a kingah theilo ahi hi. Athupi ah pen bangbang ong tung zongin ahoih penin na thuaksiam theih ding lungsim na kigin kholh kul hi.
12. Ahilo lamdi bek ngaihsut kholhna in siatna lam ong tunpih hi. Tuh dan ngaihsutna pen hoih hi ih cih leh bel asia penpen hita hi.
13. Atung dawntuai tun di na ngaihsut nak aa leh bel, na paina di lampi tom hi, kot hi, ol hi, hamsa hi, cihte ngaihsut di sangin a manlang theithei aa tuntoh gigee di lampi na teel kul hi.
14. Itna ngaihna in; lungsim kipkholote leh manh neihsak namel a theilote kiangah tung ngeilo hi. Tuh bang mite ii ngah itna in zong tak loin hem ahi hi.
15. Midang khat gensiat di'n na kipan sawm laitakin Limlangh (maan) mai-ah ding inla, tuh kammal lawhkhiat masak di'n kilawm hi.


Vekpi Vekpi tungah itna lianpi tawh...